ریاست کرناٹک میں سابق اقلیتی بہبودی وزیر ضمیر احمد خان نے ہاویری شہر میں اجتماعی شادیوں کے دوران ای ٹی وی بھارت سے خاص بات چیت کی۔
انہوں نے کہا کہ ملک بھر شہریت ترمیمی ایکٹ (سی اے اے) کے خلاف احتجاج مسلسل کیا جارہا ہے۔
انہوں نے کہا کہ آزادی کے بعد ملک کے عوام اب تک کا سب سے بڑا احتجاج سی اے اے کے خلاف کررہے ہیں، اور جن ریاستوں میں بی جے پی کی حکومت ہے، خاص کر اترپردیش ،کرناٹک میں سی اے اے کے خلاف احتجاج کرنے والوں پر گولباری کرکے ڈرانے کی کوشش کی جارہی ہے، انہیں جیلوں میں بند کیا جارہا ہے، اور ناجائز مقدموں میں پھنسایا جارہا ہے۔
جبکہ دوسری جانب ریاست کرناٹک کے وزیراعلیٰ بی ایس یڈورپا نے دارالحکومت بنگلور میں گولی باری سے شہید ہوئے نوجواں کو معاوضہ دیکر واپس لینے کی بات کرتے ہیں، جو انتہائی شرم کی بات ہے۔
