کرناٹک میں 20فیصد بس سروس شروع

کرناٹک میں 20فیصد بس سروس شروع ہوگئی ہے۔ ریاست کر ناٹک میں لاک ڈاؤن کے پانچویں مرحلہ میں رعایت کے بعد نارتھ ایسٹ کرناٹک روڈ ٹرانسپورٹ کارپوریشن کی جانب سے کل 7 اضلاع میں بس سروس شروع کردی گئی ہے۔

اس موقع پر نارتھ ایسٹ کرناٹک روڈ ٹرانسپورٹ کارپوریشن کے منیجنگ ڈائریکٹر زہرہ نسیم نے ای ٹی وی بھارت بات کرتے ہوئے کہا کہ کورونا وائرس کی وجہ سے 45254 بسوں میں سے 650 بسوں کی سروس 7 اضلاع میں شروع کی گئی ہے۔ ایک بس میں صرف 30 مسافروں کو سفر کرنے کی اجازت دی گئی ہے۔

مسافروں کو بس میں سوار ہونے سے قبل ہی ان کا ٹیمریچر چیک کیا جارہا ہے اس کے بعد ہی سفر کی اجازت دی جارہی ہے۔ اس دوران انھوں نے بتایا کہ جلد ہی 8 جون بعد بیرونی ریاست کے لیے بھی بسوں کی سہولت فراہم کی جائے گی۔