طلبہ قرنطینہ سے ڈسچارج

لداخ کے کرگل میں 32 طلبہ کو ایک ہوٹل میں قرنطینہ میں رکھا گیا تھا، جنہیں آج گھر جانے کی اجازت دے دی گئی ہے۔

کرگل میں 32 طلبہ کو قرنطینہ کی مدت مکمل کرنے کے بعد انہیں اپنے گھر جانے کی اجازت دے دی گئی ہے۔ یہ سبھی طلبہ 23 مارچ کو دہلی سے کرگل پہنچے تھے اور ان کو رنگیول ریزورٹ میں چودہ دن کے لئے قرنطینہ میں رکھا تھا۔

اس دوران ای ٹی وی بھارت سے بات کرتے ہوئے ان میں سے ایک طالب علم محمد علی نے کہا کہ یہاں ہم 23 مارچ کو پہنچے تھے اور آج چودہ دن کی قرنطینہ کے بعد اپنے گھر واپس جا رہے ہیں۔

لداخ کے کرگل میں 32 طلبہ کو ایک ہوٹل میں قرنطینہ میں رکھا گیا تھا

انہوں نے کہا کہ دوران قرنطینہ سب کچھ اچھا رہا اور میں خود اس سے پہلے بھی اپنے کمرے میں دو مہینے تک الگ بیٹھا تھا اور لگ بھگ میرا 70 دن قرنطینہ میں گزرا۔ انہوں نے مزید کہا کہ تمام طلبہ نے دوران قرنطینہ یہاں پر تعینات ہر عملے کا تعاون کیا۔