ڈسٹرکٹ مجسٹریٹ کرگل نے کوروناوائرس کے پیش نظر ان افراد کے خلاف سخت کارروائی کرنے کا حکم نامہ جاری کیا ہے جنہوں نے متاثرہ ممالک کے سفر کی تاریخ کا انکشاف نہیں کیا۔
سرکاری حکم نامے کے مطابق سفر کی تاریخ کا انکشاف نہیں کرنے والوں کے خلاف ایف آئی آر درج کرنے کا احکامات صادر کیے گئے ہیں۔
ڈسٹرکٹ مجسٹریٹ کرگل کی طرف سے سینیئر سپریٹنڈنٹ آف پولیس کو ایک حکمنامہ جاری کیا گیا ہے جس کے مطابق ضلع کرگل کے 10 افراد جنہوں نے کووڈ 19 کی موجودہ حالات میں اپنے سفر کی تاریخ کا انکشاف نہیں کیا تھا ان کے خلاف ایف آئی آر درج کیا جائے گا۔
واضح رہے کہ لداخ میں کورونا وائرس سے نمٹنے کے لئے انتظامیہ ہرممکن کوشش کر رہی ہیں اور لوگوں سے بار بار تعاون کی اپیل کر رہی ہیں ۔