Rahul Gandhi In Ladakh پی ایم مودی نے بھارت کی زمین پر چین کے قبضہ کے بارے میں جھوٹ بولا، کارگل میں راہل کا بیان

راہل گاندھی نے لداخ کے کارگل میں ایک ریلی سے خطاب کیا۔ انہوں نے پی ایم نریندر مودی کو نشانہ بناتے ہوئے کہا کہ چین نے بھارت کی زمین پر قبضہ کرنا شروع کردیا ہے اور پی ایم مودی جھوٹ بول رہے ہیں کہ چین نے لداخ کا ایک انچ بھی نہیں لیا۔ Rahul Gandhi In Ladakh

کارگل، لداخ:لداخ کے کرگل میں کانگریس کے رکن پارلیمنٹ راہل گاندھی نے کہا، "کچھ مہینے پہلے ہم کنیا کماری سے کشمیر گئے، اس کا نام 'بھارت جوڑو یاترا' رکھا گیا، ہمارا مقصد ملک میں بی جے پی، آر ایس ایس کے ذریعے پھیلائی جانے والی نفرت اور تشدد کو روکنا ہے۔ " انہوں نے کہا، "یاترا سے نکلنے والا پیغام یہ تھا کہ 'نفرت کے بازار میں ہم محبت کی دُکان سے نکلے ہیں'۔ یہ آپ کی بھی سوچ ہے اور میں نے اسے پچھلے کچھ دنوں میں خود دیکھا ہے۔" راہل نے کہا، "میں سفر کے وقت سردیوں میں برف باری کی وجہ سے لداخ نہیں جا سکا، لداخ کا دورہ کرنا میرے دل میں تھا اور اس بار میں نے اسے سچ کر دکھایا اور موٹر سائیکل پر آگے بڑھا۔"

راہل گاندھی نے مزید کہا کہ "لداخ ایک اسٹریٹجک جگہ ہے، ایک بات تو واضح ہے کہ چین نے ہندوستان کی زمین چھین لی ہے۔ یہ افسوسناک ہے کہ اپوزیشن کی میٹنگ میں پی ایم مودی نے کہا کہ لداخ کا ایک انچ بھی چین نے نہیں لیا۔" جو کہ جھوٹ ہے۔" راہل گاندھی نے کہا کہ پی ایم مودی نے ہندوستان کی زمین پر چین کے قبضہ کے بارے میں جھوٹ بولا ہے۔