بھارت اور چین کے میجر جرنلس کے درمیان بات چیت کے بعد چین نے آج 4 افسران سمیت 10 بھارتی فوجیوں کو اپنے قبضے سے رہا کیا ہے۔
لداخ کی وادی گلوان میں 15 اور 16 جون کے درمیان سرحد پر چین اور بھارتی فوج کے بیچ جھڑپ ہوئی تھی، اس جھڑپ میں 20 بھارتی فوجی ہلاک ہو گئے تھے، اس کے علاوہ چین نے 10 بھارتی فوجیوں کو یرغمال بنا لیا تھا، جنہیں آج رہا کیا گیا ہے۔
ذرائع کے مطابق دونوں ممالک کے میجر جنرلس کے درمیان بات چیت کے بعد ان سبھی 10 فوجیوں کوجمعرات شام 5 بجے چین نے رہا کردیا'۔
گلوان وادی میں کشیدگی کے بعد دونوں فریقین کے مابین بات چیت کا دور چلا، جہاں بھارت کی طرف سے 3 ڈویژنل کمانڈر کی نمائندگی کی گئی، یہ افسران 15 جون سے ہی کے ایم-120 کیمپ میں قیام پذیر تھے۔
یہ بھی پڑھیے
جنوبی کشمیر میں تصادم، آٹھ عسکریت پسند ہلاک
وزیراعظم کی سربراہی میں کل جماعتی میٹنگ آج
پندرہ اور سولاں جون کی رات کو بھارت اور چین کے فوجیوں کے درمیان قریب 3 گھنٹے تک جھڑپ ہوئی تھی، جس میں 20 بھارتی اہلکار ہلاک ہو گئے تھے۔ ان 20 فوجی جوانوں میں 16 بہار ریجمینٹ کے کرنل سنتوش بابو بھی شامل ہیں۔
