رانچی سول کورٹ سے راج ٹھاکرے خلاف وارنٹ

رانچی سول کورٹ نے مہاراشٹر نو نرمان سینا کے سربراہ راج ٹھاکرے کے خلاف وارنٹ جاری کیا ہے۔ اور ٹھاکرے کو 18 فروری کو عدالت میں پیش ہونے کا حکم دیا ہے۔

ریاست جھارکھنڈ کے دارالحکومت رانچی میں بدھ کے روز چیف جوڈیشل مجسٹریٹ فہیم کرمانی کی عدالت نے چھٹھ تہوار پر قابل اعتراض تبصرہ کرنے پر مہاراشٹر نو نرمان سینا (ایم این ایس) کے سربراہ راج ٹھاکرے کے خلاف گرفتاری کا وارنٹ جاری کیا۔

وہیں اس معاملے میں 18 فروری کو راج ٹھاکرے کو عدالت میں پیش ہونے کا حکم دیا گیا۔

واضح رہے کہ اس سے قبل عدالت نے نوٹس جاری کیا تھا، جس کا کوئی جواب موصول نہیں ہوا تھا۔

وہیں ایم این ایس کے سربراہ کے تبصرہ پر، رانچی کے رہائشی اخوری انجنی کمار نے عدالت میں شکایت نمبر 395/2008 درج کروائی تھی۔ ان کا کہنا تھا کہ راج ٹھاکرے نے ہندوؤں کے مقدس تہوار

'چھٹھ کو ناٹک کہا تھا'

شکایت کنندہ نے کہا کہ راج ٹھاکرے کا بیان اخباروں میں پڑھا گیا تھا۔ اسے چھٹھ تہوار کو ناٹک قرار دے کر بہت تکلیف ہوئی ہے۔