گڈھوا میں کورونا کے مریض نے پھانسی لگا کر خودکشی کرلی

کورونا سے ہو رہی موت نے لوگوں کے اندر خوف و دہشت پیدا کردیا ہے۔ گڈھوا کووڈ ہسپتال میں علاج کے لئے تڑپ رہے ایک مریض نے پھانسی لگا کر خودکشی کر لی ہے۔ گھروالوں کے مطابق ان کی موت آکسیجن کی کمی سے ہوئی ہے۔

جھارکھنڈ: گڈھوا ضلع کو کورونا کی دوسری لہر نے پوری طرح اپنی زد میں لے لیا ہے۔ کورونا سے ہو رہی موت نے لوگوں کے اندر خوف و دہشت پیدا کردیا ہے۔ گڈھوا کووڈ ہسپتال میں علاج کے لئے تڑپ رہے ایک مریض نے پھانسی لگا کر خودکشی کرلی۔ وہیں ایک دیگر مریض کی موت ہوگئی۔ گھر والوں کے مطابق ان کی موت آکسیجن کی کمی سے ہوئی ہے۔

گڈھوا ضلع میں کورونا کی دوسری لہر کی زد میں اب تک 400 لوگ آچکے ہیں۔ جبکہ 19 لوگوں کی موت ہوچکی ہے۔ ضلع ہیڈ کواٹر سمیت دیگر کووڈ ہسپتال کے بیڈ کورونا کے مریض سے بھرے ہوئے ہیں۔