وزیر اعلیٰ ہیمنت سورین نے پنچایتی راج دیوس کے موقع پر سبھی پنچایت کے نمائندوں کو مبارکباد دیتے ہوئے کہا کہ بحران کے اس دور میں پنچایتی راج نظام کا کردار اہم ہے۔ انہوں نے کہا کہ ملک اور ریاست کی ترقی میں بھی پنچایتی راج اداروں نے اپنا اہم کردار نبھایا ہے۔
وزیر اعلیٰ نے کہا کہ کورونا وائرس کے انفیکشن کی روک تھام اور گاﺅں والوں کے درمیان بیداری پیدا کرنے کے لیے سبھی پنچایتی نمائندے اہم کردار نبھا رہے ہیں۔
انہوں نے کہا کہ پنچایت نمائندوں کے تعاون سے یقینی طور پر دیہی علاقوں میں کورونا سے جنگ میں جیت ملے گی۔
مسٹر سورین نے ٹویٹ کرکے کہا کہ 'بحران کی اس گھڑی میں راحت اور بچاﺅ کے کام کا صحیح آپریشن، مذہبی ہم آہنگی بنائے رکھنے، افواہوں سے بچانے میں پنچایتی راج نظام کا اہم کردار ہے۔ پنچایتی راج دیوس کے موقع پر میں سبھی نمائندوں کو مبارک باد دینے کے ساتھ ساتھ مضبوطی سے اس بحران سے لڑنے میں تعاون کی اپیل کرتا ہوں۔'