ریاست جھارکھنڈ کے تمام 24 ضلعی ہیڈ کوارٹرز میں گنتی صبح 8 بجے سے شروع ہوگئی۔ گنتی کے زیادہ سے زیادہ راؤنڈ چترا میں 28 راؤنڈ اور سب سے کم راؤنڈ دو نشستوں والی چندن کیاری اور تورپا میں ہوں گے۔
ریاست میں 30 نومبر سے 20 دسمبر تک پانچ مراحل میں ووٹ ڈالے گئے تھے۔
الیکشن کمیشن نے تمام اضلاع کے ہیڈ کوارٹرز میں گنتی کے پختہ انتظامات کیے ہیں۔ پیر کی سہ پہر تک مکمل رجحان آنے کا امکان ہے۔ ان انتخابات میں بی جے پی اور کانگریس نے ووٹرز کو راغب کرنے کے لیے اپنی پوری کوشش تھی۔
وزیراعظم نریندر مودی اور بی جے پی کے صدر اور مرکزی وزیر داخلہ امت شاہ نے ریاست بھر میں نو جلسوں سے خطاب کیا۔ سابق کانگریس صدر راہل گاندھی نے پانچ جلسوں سے خطاب کیا اور کانگریس کی جنرل سکریٹری پرینکا گاندھی واڈرا نے ایک ریلی سے خطاب کیا۔