رانچی: ہجوم نے سی آر پی ایف جوانوں پر پتھراؤ کیا

ہفتہ کے روز رانچی کے ہندپیڑھی علاقے میں ایک سابق کونسلر کی پٹائی سے ناراض مقامی لوگوں نے جم کر ہنگامہ آرائی کی۔ اس دوران علاقے میں تعینات سی آر پی ایف اہلکاروں پر پتھراؤ بھی کیا گیا۔

ریاست جھارکھنڈ کے دارالحکومت رانچی کے ہندپیڑھی علاقے میں ایک سابق کونسلر کی پٹائی سے ناراض مقامی لوگوں نے علاقے میں تعینات سی آر پی ایف اہلکاروں پر بھاری پتھراؤ کیا۔ جب کچھ دیر بعد پتھر بازی زیادہ ہونے لگی تو انہوں نے ہجوم سے بچنے کے لیے آنسو گیس کے گولے داغے۔

آنسو گیس کے گولے داغنے کے بعد مقامی لوگوں نے اپنے گھروں کی روشنی گلُ کر دی اور چھتوں کے اوپر سے سی آر پی ایف جوانوں میں پتھراؤ کرنا شروع کردیا۔ اس واقع کی اطلاع ملتے ہی رانچی رینج کے آئی جی نوین سنگھ، سینئر ایس پی انیش گپتا، رانچی ڈی سی رائے ماہیماپاترا سمیت متعدد پولیس اسٹیشنوں کی ٹیمیں موقع پر پہنچ گئیں اور اس علاقے کے آس پاس موجود ہجوم کو وہاں سے ہٹایا۔ ہندپیڑھی کے علاقے میں فی الحال کسی بھی میڈیا اہلکاروں کو جانے کی اجازت نہیں ہے۔

صورتحال کو بے قابو کرنے کے باوجود رانچی کے ڈی سی نے ای ٹی وی بھارت سے گفتگو کے دوران بتایا کہ 'اب بھی صورتحال بےقابو میں ہے۔ تاہم سڑکوں پر بکھرے ہوئے پتھر اس کی گواہی دے رہے تھے کہ یہ کتنا خوفناک رہا ہوگا۔ جب لوگوں نے اپنے گھروں کی کھڑکیاں بند کیں اور لائٹس بجھا دیں تو وہ چھت کے اوپر سے فوجیوں کے اوپر پتھر پھینک رہے تھے۔