چترا کے ہنٹر گنج تھانہ علاقہ کے کوبانا گاؤں میں 15 اگست کے دن موبائل چوری کے الزام میں ایک نابالغ بچے سمیت دو افراد کو بے دردی سے پیٹنے کی ویڈیو سوشل میڈیا پر وائرل ہوئی تھی۔
اس وائرل ویڈیو میں صاف دیکھا جاسکتا ہے کہ پہلے بھیڑ کے ذریعہ دونوں کو رسی سے باندھا گیا، اس کے بعد انہیں سڑک پر دور تک گھسیٹا گیا۔اس کے بعد انہیں بے رحمی کے ساتھ پیٹا گیا۔
اس ویڈیو کے وائرل ہونے کے بعد ، چترا پولیس حرکت میں آگئی ہے اور ایس پی رشب جھا نے ایس ڈی پی او اور ہنٹر گنج تھانہ انچارج کو ہدایت کی ہے کہ وہ اس معاملے میں ایف آئی آر درج کرتے ہوئے ملزمین کے خلاف سخت کارروائی کریں۔بتایا جارہا ہے کہ وائرل ویڈیو میں جس شخص نے بچے اور دوسرے نوجوان کی بے رحمی سے پٹائی کی، اس شخص کا نام سشیل سنگھ ہیں اور وہ ایک سرکاری ٹیچر ہے۔
جبکہ دوسرا شخص کوبانا پنچایت کے مکھیہ سریتا دیوی کے شوہر سنجے دانگی ہے۔تاہم ، ویڈیو وائرل ہونے کے بعد ، جہاں پولیس ملزمین کو گرفتار کرنے کی کوشش میں لگے ہوئے ہیں۔وہیں کارروائی کے خوف سے تمام ملزمین فرار بتائے جارہے ہیں۔
