جھارکھنڈ: وزیر میتھلیش کمار ٹھاکر کورونا مثبت

ریاست جھارکھنڈ کے وزیر میتھلیش کمار ٹھاکر کورونا وائرس سے متاثر پائے گئے ہیں۔

ریاست جھارکھنڈ میں کورونا وائرس کے کیسز میں مسلسل اضافہ ہورہا ہے۔ منگل کے روز کورونا کے 141 مثبت مریض پائے گئے جس میں ریاست کے وزیر میتھلیش کمار ٹھاکر بھی شامل ہیں۔

معلومات کے مطابق وزیر میتھلیش کمار ٹھاکر گذشتہ تین روز سے سردی، کھانسی اور ہلکے بخار میں مبتلا تھے۔ جس کے بعد ان کا کورونا جانچ کیا گیا۔ جہاں ان کی رپورٹ کورونا مثبت پایا گیا۔

وزیر میتھلیش کمار ٹھاکر کو رمز کے ٹراما سنٹر میں واقع کووڈ وارڈ میں داخل کیا گیا ہے۔ جیسے ہی وزیر کی رپورٹ مثبت آئی، محکمہ صحت حرکت میں آگیا اور 108 ایمبولینس سروس سے انہیں رمز کے کووڈ وارڈ لایا گیا۔

ان کے ساتھ رہ رہے گارڈز، سکیورٹی اہلکار، ڈرائیور سمیت رابطہ میں آئے سبھی لوگوں کا کورونا جانچ کیا جائے گا۔