جھار کھنڈ ہائی کورٹ کے نگراں چیف جسٹس کا انتقال

جھارکھنڈ ہائی کورٹ کے نگراں چیف جسٹس پرشانت کمار کا رانچی کے ایک پرائیوٹ اسپتال میں انتقال ہو گیا۔ وہ 61 برس کے تھے۔

خاندانی ذرائع نے یہاں بتایاکہ نگراں چیف جسٹس مسٹر کمار طویل عرصے سے بیمار تھے اورانہیں رانچی کے میڈیکا اسپتال میں داخل کرایا گیا تھا۔ آج صبح قریب ساڑھے پانچ بجے ان کا انتقال ہوگیا ۔ مسٹر کمار کے جسد خاکی کو آخری دیدار کیلئے دن کے ڈھائی بجے ہائی کورٹ احاطہ میں لایاجائے گا۔
دریں اثناءجھارکھنڈ ہائی کورٹ کے رجسٹرار کی جانب سے جاری نوٹس میںکہا گیا ہے کہ جسٹس پرشانت کمار کے اعزاز میں 30 اگست2019کو جھارکھنڈ ہائی کورٹ سمیت ریاست کے سبھی کورٹوںمیںکوئی کام کاج نہیں ہوگا۔