شہری علاقے میں سی اے اے کی حمایت میں نکالی گئی ریلی پر پتھر بازی کے واقعہ کے بعد علاقے میں تناؤ کا ماحول بنا ہوا ہے۔
اطلاعات کے مطابق علاقہ میں آتشزنی اور توڑ پھوڑ کے واقعات پیش آئیں ہیں، وہیں کئی گاڑیوں کو آگ کے حوالے کردیا گیا، اس کے علاوہ کئی دکانوں اور گھروں میں بھی آگ لگا دیا گیا۔
ضلع انتظامیہ نے معاملے کی نزاکت کو دیکھتے ہوئے پورے ضلع میں کرفیو نافذ کردیا ہے۔ وہیں موقع پر پہنچ کر ڈی سی آکانشا رنجن اور ایس پریہ درشی آلوک نے صورتحال کا جائزہ لیا۔
مقامی افراد کے مطابق جلوس جامع مسجد کے سامنے سے گذر رہا تھا جبکہ دوسرے فرقہ کے خلاف فرقہ پرستی پر مبنی نعرے لگائے گئے جس کے بعد حالات خراب ہوگئے اور جلوس میں شامل افراد نے علاقہ میں توڑپھوڑ شروع کردی۔
پتھراؤں میں ایس پی پریہ درشی آلوک بھی زخمی ہوگئے۔ ڈی سی نے لوگوں سے درخواست کی کہ وہ کسی بھی قسم کے افواہوں پر دھیان نہیں دینے اور امن کو برقرار رکھنے کی اپیل کی ہے۔