پولیس اہلکار نے خود کشی کرنے کی کوشش کی

ریاست جھارکھنڈ کے ضلع جمشیدپور میں واقع سنگھ بھومی میں ماؤ نواز سے متاثر گڈاباندھا تھانہ میں تعینات ہولدار پورن چندر نے خود کو گولی مار لی۔

پورن چندر شدید طور پر زخمی ہو گئے۔ انہیں فوراً ہی ہسپتال منتقل کیا گیا ہے جہاں ان کا علاج چل رہا ہے۔ پورن چندر منڈا چاکولیا کے رہنے والے تھے۔

جانکاری کے مطابق جوان پورن چند منڈا مسلسل 18 گھنٹے سے ڈیوٹی پر تھے، جس کی وجہ سے وہ دباؤ میں تھے۔ ابھی اس بات کی تصدیق نہیں ہو پائی ہے کہ جوان نے خود کشی کیوں کی؟ اس تعلق سے افسران کچھ بھی بولنے سے انکار کر رہے ہیں۔

حولدار پورن چندر کے پیر میں گولی لگی ہے۔ واقعے کے بعد گاؤں والوں نے ان کا جائزہ لیا۔ فی الحال حولدار کی حالت نازک بنی ہوئی ہے۔