رام گڑھ سب ڈویژنل پولیس افسر انوج اراﺅں نے یہاں بتایاکہ اڑیسہ کے بھونیشور سے سامان اور جوانوں کو لیکر آرہی فوج کی گاڑی نیشنل ہائی وے ۔33 پر چٹو پالو گھاٹی میں بے قابو ہوکر کھائی میں گر گئی ۔
رام گڑھ میں فوجی گاڑی حادثے کا شکار - جھارکھنڈ
جھارکھنڈ کے رام گڑھ ضلع میں رام گڑھ تھانہ علاقہ کے چٹو پالو گھاٹی میں جمعرات کی صبح فوج کی گاڑی حادثے کی شکار ہوگئی جس میں ایک جوان کی موت ہوگئی اور دو دیگر زخمی ہوگئے ۔
رام گڑھ میں فوجی گاڑی کھائی میں گری ، ایک جوان کی موت ، دو زخمی
اس واقعے میں گاڑی ڈرائیور جوان کی موت ہوگئی جبکہ دو دیگر شدید طور سے زخمی ہوگئے ۔
مسٹر اراﺅں نے بتایاکہ زخمی جوانوں کو رانچی واقع فوجی اسپتال میں داخل کرایا گیا ہے ۔ گاڑی کو کرین کی مدد سے باہر نکال لیا گیا ہے ۔ فوج کی چھ سے زائد گاڑیوں کا قافلہ ایک ساتھ چل رہا تھا ۔ جائے وقوع پر فوجی افسران پہنچ گئے ہیں۔ ڈرائیور جوان کی لاش پوسٹ مارٹم کیلئے فوجی اسپتال بھیج دی گئی ہے ۔