جھارکھنڈ: ایک گاؤں ایسا بھی ۔۔۔

ضلع پاکوڑ کے لٹی پاڑہ حلقے کے مانسدھاری گاؤں میں لوگوں کو پینے کے لیے صاف پانی بھی میسر نہیں ہے۔ یہاں انسان اور جانور ایک ساتھ اپنی پیاس بجھانے کے لیے مجبور ہیں۔

ملک کے سب سے پسماندہ 12 بلاک میں شامل ضلع پاکوڑ کے لٹی پاڑہ حلقے کے ایک گاؤں میں پینے کے پانی کے لیے انسان اور جانور ایک ساتھ پہنچتے ہیں۔ اس گاؤں میں نہ پانی کی سہولیات ہیں، نہ سڑکیں ہیں اور نہ ہی بچوں کے لیے کوئی اسکول ہے۔

ریاست جھارکھنڈ کے وجود میں آنے کے کئی برسوں کے بعد بھی مانسدھاری گاؤں میں بنیادی سہولیات مقامی لوگوں کو مہیا نہیں کرائی جا سکی ہیں۔

نمائندہ ای ٹی وی بھارت نے جب ڈی سی کلدیپ چودھری سے بات چیت کی تو انہوں نے بتایا کہ اس بات کی اطلاع آپ کے ذریعے مجھے ملی ہے۔

ڈی سی نے کہا کہ ایک ٹیم گاؤں میں بھیجی جائے گی تاکہ جانچ کے بعد رپورٹ ملے۔ انہوں نے بتایا کہ پینے کے پانی کا بندوبست کیا جائے گا اور ساتھ ہی اس کا جائزہ بھی لیا جائے گا۔