ہیمنت سورین نے ٹوئٹ کر کے کہا کہ ” ریاستی حکومت لاک ڈاﺅن میں پھنسے مہاجر مزدوروں کو یقین دلاتی ہے کہ کچھ وقت لگے گا لیکن سبھی کو ان کے گھروں تک واپس ضرور لایا جائے گا۔ اس مصیبت میں سبھی نے صبروتحمل کا مظاہرہ کیا، تھوڑا اور صبر کریں۔
جھارکھنڈ حکومت دیگر ریاست کی حکومتوں سے بات کر کے زیادہ سے زیادہ تعداد میں ٹرینوں کی آمد ورفت کیلئے کوشاں ہے ۔
ایک دیگر ٹوئٹ میں وزیراعلیٰ نے اورنگ آباد حادثے پر دکھ کا اظہار کیاہے ۔ انہوں نے کہاکہ واقعہ انتہائی تکلیف دہ ہے ۔ خدا ان کی روح کو تسکین عطا کرے ۔ یہ انتہائی افسوسناک ہے ۔ کورونا اور تالابندی کا سب سے برا اثر غریبوںپر پڑاہے جو دنوں دن سے چلنے کو مجبور ہورہے ہیں۔
واضح رہے کہ مہاراشٹر میں اورنگ آباد کے نزدیک ریلوے ٹریک پر آج علی الصبح مال گاڑی کی زدمیں آنے سے دس سے زائد مزدوروں کی موت ہوگئی ہے ۔
