رانچی: لالو یادو کی ضمانت عرضی پر اب 6 ہفتوں بعد سماعت ہوگی۔ اس تعلق سے لالو یادو کے وکیل پربھات کمار نے بتایا کہ 'ریمانڈ مدت کی مصدقہ کاپی نہیں ملنے پر ان کی طرف سے 15 دن بعد سماعت کی تاریخ رکھی گئی تھی۔
دوسری جانب سی بی آئی وکیل راجیو سنہا کی والدہ کا انتقال ہوگیا ہے جس کے پیش نظر عدالت سے یہ گزارش کی گئی تھی کہ ضمانت عرضی کی سماعت 6 ہفتوں کے بعد ہو۔ جسے عدالت نے قبول کرلیا۔
توقع ہے کہ لالو یادو کی ضمانت عرضی پر اگلے سال 22 جنوری کو سماعت ہوگی۔
واضح رہے کہ چارہ گھوٹالہ کیس میں مجرم لالو یادو کی جانب سے ضمانت کی درخواست دائر کی گئی تھی۔ جس پر آج جزوی سماعت ہوئی۔ گزشتہ سماعت میں عدالت نے لالو کے وکیل سے جواب پیش کرنے کو کہا تھا۔
مزید پڑھیں:
جس پر لالو یادو کے وکیل نے جواب پیش کرتے ہوئے عدالت میں پھر سے جواب پیش کرنے کے لئے 15 دن کا وقت مانگا تھا۔
گزشتہ دنو ہائی کورٹ نے لالو پرساد یادو سے نصف سزا پوری کرنے کے معاملے میں آدھے سزا سے متعلق سند پیش کرنے کو کہا تھا۔ لہذا لالو پرساد کو اب تک سند حاصل نہیں ہوا ہے اس لئے ان کے وکیل نے وقت کا مطالبہ کیا ہے۔