دھنباد ضلع انتظامیہ نے انہیں کولکاتا کے اسپتال لے جانے کی اجازت دے دی ہے۔ لیکن مغربی بنگال حکومت نے لاک ڈاؤن کا حوالہ دیتے ہوئے ریاست میں داخل ہونے کی اجازت نہیں دی۔
کرکٹر شہباز ندیم ان دنوں بہت پریشان ہیں، لاک ڈاؤن کی وجہ سے وہ جھریا اپنے سسرال میں پھنس گئے ہیں۔ انہیں اپنی اہلیہ کے علاج کے لئے کولکاتا جانا ہے لیکن مغربی بنگال حکومت نے ریاست میں داخل ہونے کی اجازت نہیں دی ہے۔
بتادیں کہ 19 مارچ کو شہباز ندیم اپنی رہائش گاہ کولکاتہ سے اپنے سسرال آئے تھے، لیکن لاک ڈاؤن کی وجہ سے وہ دوبارہ کولکاتا نہیں روانہ ہوسکے۔ اسی دوران ان کی اہلیہ ثنا اختر پنکی کی طبیعت خراب ہوگئی۔
ان کی اہلیہ کا کلکتہ کے ایک اسپتال میں علاج جاری ہے۔ دھنباد ضلع انتظامیہ نے انہیں کلکتہ اسپتال لے جانے کی اجازت حاصل کرلی ہے لیکن مغربی بنگال حکومت نے لاک ڈاؤن کا حوالہ دیتے ہوئے ریاست میں داخل ہونے کی اجازت نہیں دی ہے۔
تاہم ندیم نے اس امکان کا اظہار کیا ہے کہ انہیں جلد ہی بنگال حکومت کی طرف سے اجازت مل جائے گی۔ حکومت سے اجازت کے لئے بات چیت جاری ہے۔