معاشی تنگی سے پریشان نوجوان نے کی خود کشی

جھارکھنڈ میں گڈا ضلع کے مہاگاما تھانہ علاقہ میں منگل کو معاشی تنگی سے پریشان ایک نوجوان نے ٹرین سے کٹ کر اپنے آپ کو ہلاک کرلیا ۔

پولیس ذرائع نے یہاں بتایاکہ مہا گاما تھانہ علاقہ کے دیا جوری ریلوے ٹریک پر انج کمار یادو نے ایسٹرن کولڈ فیلڈ لمیٹیڈ ( ای سی ایل ) کی راج محل پروجیکٹ کے سائیلو پوائنٹ سے کوئلہ لیکر آرہی ٹرین کے سامنے سرکو ٹریک پر رکھ دیا جس سے موقع پر ہی اس کی موت ہوگئی ۔

معاملے کی جانکاری ملنے کے بعد موقع پر پہنچی پولیس نے لاش پوسٹ مارٹم کیلئے بھیج دی ہے ۔ متوفی انج اسی تھانہ علاقہ کے نونا جور گاﺅں کا رہنے والا تھا ۔ بتایا جاتا ہے کہ انج لاک ڈاﺅن کی وجہ سے معاشی تنگی میں مبتلا تھا ۔ معاملے کی تفتیش کی جارہی ہے ۔