ایس آئی ٹی کی ٹیم نے گذشتہ روز مفرور ملزم رشی کیش دیویڈکرکو جھارکھنڈ کے ضلع دھنباد سے گرفتار کیا ہے۔
واضح رہے کہ معروف صحافی گوری لنکیش کا 5 ستمبر 2017 کو بنگلور میں ان کی رہائش گاہ کے باہر گولی مار کرقتل کردیا گیا تھا۔
اطلاعات کے مطابق رشی کیش دھنباد کے کتراس میں ایک بزنس مین کے پیٹرول پمپ میں کیئر ٹیکر کا کام کررہا تھا اور پہچان بدل کر رہ رہا تھا۔
رشی کش کو آج جوڈیشل مجسٹریٹ کے سامنے پیش کیا جائے گا۔ اس کا تعلق مہاراشٹر سے بتایا جارہا ہے۔
پولیس کے مطابق 5 ستمبر 2017 کو تین لوگوں نے گوری لنکیش کے گھر میں گھس کر ان پر فائرنگ کی، اس حادثے میں گوری لنکیش کی موقع پر ہی موت ہوگئی۔