کرنٹ لگنے سے نوجوان ہلاک

ریاست جھارکھنڈ کے دارالحکومت رانچی سے متصل برہہ گاؤں میں محکمہ بجلی کی لاپروائی سے ایک نوجوان کی درد ناک موت ہو گئی جبکہ کرنٹ کی زد میں آنے سے دو نوجوان جھلس گئے۔

وہیں دونوں افراد کو رمس اسپتال میں علاج کے لیے داخل کرایا گیا ہے۔

اطلاعات کے مطابق علاقے میں رورل الیکٹریفیکشن کے تحت بجلی کے تار پر کام چل رہا تھا۔ اسی دوران تار میں کرنٹ آگیا جس کی وجہ سے گڈو بھویان نامی شخص کو تیز جھٹکا لگنے سے اس کی موت ہوگئی۔

گڈو بوکارو کے پپراڈیہی کا رہنے والا تھا۔اس لاپروائی کی وجہ سے دیگر دو نوجوان بھی جھلس گئے، جس میں سے ایک کی شناخت امر کمار کے طور پر ہوئی ہے۔ واضح رہے کہ ایک ٹھیکے دار کو رورل الیکٹریفیکیشن کے کام کی ذمہ داری دی گئی تھی۔اسی سلسلے میں گڈو بجلی کے کھمبے پر چڑھا تھا لیلکن محکمہ بجلی کی اس لاپروائی کے بعد ابھی کوئی کارروائی نہیں کی گئی ہے۔ اس خبر کی اطلاع ملتے ہی مقامی لوگ حادثے کی جگہ پر اکٹھا ہوگئے۔