جھارکھنڈ میں کورونا متاثرین کی تعداد ہوئی 106

جھارکھنڈ کے جامتاڑہ ضلع میں آج دوسرے کورونا پازیٹیو ملنے کے بعد ریاست میں کویڈ 19 کی تعداد بڑھ کر 106 ہوگئی ہے ۔

ریاست جھارکھنڈ کے جامتاڑہ ضلع میں کورونا پازیٹیو ملنے کا یہ دوسرا معاملہ ہے ۔ ریاست کے لئے راحت دینے والی بات یہ ہے کہ گذشتہ 36 گھنٹے میں صرف تین پازیٹیو معاملے سامنے آئے ہیں۔

اس سے قبل سوموار کو سب سے زیادہ 20 کورونا پازیٹیو ملنے کے بعد دار الحکومت رانچی میں کورونا ہاٹ اسپاٹ بنے ہند پیڑھی علاقے میں مرکزی ریزرو پولیس فورس کو تعینات کیا گیاتھا۔

ریاست میں ریڈزون بنے رانچی میں دو غیر ملکی باشندے سمیت کل 77 ، بوکارو میں دس ، ہزاری باغ میں تین ، پلامو میں تین ، گڑھوا میں تین ، سمڈیگا میں دو، دھنباد میں دو ، دیوگھر میں دو ، کوڈرما میں ایک ، گریڈیہہ میں ایک اور جامتا ڑہ میں دو کورونا پازیٹیو کی تصدیق ہوئی ہے ۔