مشرقی لداخ کے وادی گلوان میں بھارت اور چین کے مابین تنازع پر جموں کے ضلع ادھمپور کے نوجوانوں نے چین کے خلاف سخت ناراضگی کا اظہار کرتے ہوئے احتجاج کیا۔ احتجاج میں شامل نو جوانوں نے چینی صدر شی جن پنگ کے خلاف نعرے بازی کرتے ہوئے'مردہ باد کے نعرے لگائے'۔
ادھم پور: چین کے خلاف نوجوانوں کا احتجاج
اس موقع پر میڈیا سے بات کرتے ہوئے نوجوانوں نے کہا کہ 'چین نے بھارت کے ساتھ دھوکہ دہی کی ہے اور چھپ کر بھارتی جوانوں پر وار کیا ہے، انہوں نے کہا کہ چینی افواج میں یہ ہمت نہیں کہ بھارتی جوانوں کے سامنے آسکے۔ مظاہرے کے دوران سبھی نے یہ قسم اٹھائی ہے کہ آج کہ بعد وہ لوگ چین کی تیار شدہ کوئی اشیاء نہیں خریدیں گے، اور مکمل طور پر بائیکاٹ کریں گے۔