حالات بہتر ہونے کے بعد پھر کشمیر آئیں گے: مہاجر مزدور

مہاجر مزدوروں کا کہنا ہے کہ وادی میں حالات بہتر ہونے اور موسم سرما کے اختتام کے بعد وہ واپس کشمیر لوٹ آئیں گے۔

وادی کشمیر میں غیر مقامی باشندوں کو قتل کیے جانے کے بعد وادی کے مختلف مقامات پر کام کر رہے غیر مقامی مزدور واپس اپنے وطن لوٹ رہے ہیں، تاہم انکا کہنا ہے کہ حالات بہتر ہوتے ہی وہ کشمیر واپس لوٹ آئیں گے۔

وادی کشمیر کے مختلف اضلاع میں کام کر رہے غیر مقامی مزدور جموں ریلوے اسٹیشن پر اپنی اپنی منزلوں کی جانب بڑھ رہے ہیں۔ وادی کشمیر سے اچانک اور ان حالات میں واپس لوٹنے کا انہیں بے حد افسوس ہے تاہم ای ٹی وی بھارت کے ساتھ بات کرتے ہوئے انہوں نے کہا کہ موسم بہار کی آمد کے ساتھ ہی وہ واپس کشمیر لوٹ آئیں گے۔

ای ٹی وی بھارت کے ساتھ بات کرتے ہوئے ریاست بہار سے تعلق رکھنے والے متعدد مزدوروں، کاریگروں نے بتایا کہ انہیں کشمیریوں سے کوئی خطرہ نہیں بلکہ کشمیریوں نے انکی ہمیشہ مدد کی ہے۔

انہوں نے کشمیریوں کی جانب سے انہیں ہراساں کرنے اور انکی مزدوری دبوچنے کی افوہوں کی بھی تردید کی۔

بعض مزدوروں کا کہنا ہے کہ کشمیر میں سرما کی آمد سے قبل ہی وہ واپس لوٹ جاتے تھے تاہم رواں برس محض دو یا تین ہفتے قبل ہی وہ اچانک واپس اپنی ریاستوں کو لوٹ رہے ہیں۔

غیر مقامی مزدوروں نے کہا کہ حالات بہتر ہونے اور موسم سرما کے اختتام کے بعد وہ واپس کشمیر لوٹ آئیں گے۔