سنیچر کو این آئی اے کورٹ کے خصوصی جج نے جموں وکشمیر پیپلز ڈیموکریٹک پارٹی (پی ڈی پی) کے نوجوان صدر وحید الرحمن پرہ کو ضمانت پر رہا کرنے کا حکم دیا تھا، جس کے بعد جموں کے ڈسٹرکٹ کورٹ کے احاطے سے وحید پرہ کو جموں کشمیر پولیس کی ایک خصوصی برانچ نے حراست میں لے لیا تھا۔
پرہ کو آج جموں کشمیر پولیس کی اسپیشل پرانچ (کرمنل انویسٹیگیشن کشمیر) نے کورٹ میں پیش کیا، جس کے بعد کورٹ نے وحیدالرحمٰن پرہ کو 18 جنوری تک پولیس ریمانڈ پر بھیجنے کے احکامات صادر کردیا، اور مزید تفتیش کے لیے پرہ کو سرینگر منتقل کیا جائے گا۔
عہدیداروں نے بتایا کہ پی ڈی پی یوتھ ونگ کے صدر وحید پرہ، جنھیں ہفتہ کو این آئی اے کی ایک عدالت نے ضمانت دے دی تھی کو پیر کے روز جموں وکشمیر پولیس نے عسکریت پسندوں اور علیحدگی پسند قوتوں سے وابستہ ایک گٹھ جوڑ سے متعلق معاملے میں جموں وکشمیر پولیس نے دوبارہ گرفتار کیا تھا۔
واضح رہے کہ این آئی اے نے 25 نومبر کو حزب المجاہدین کے دہشت گردوں سے مبینہ تعلقات سے متعلق ایک معاملے میں گرفتار کیا تھا۔
وحیدالرحمان پرہ نے حال ہی میں جنوبی کشمیر کے ضلع پلوامہ میں اپنے آبائی شہر ڈسٹرکٹ ڈویلپمنٹ کونسل (ڈی ڈی سی) انتخابات میں کامیابی حاصل کی تھی۔
