وکرم ملہوترہ نے کووڈ معاملوں کی بڑھتی تعداد پر تشویش کا اظہار کیا

وکرم ملہوترہ نے کہا کہ گزشتہ کچھ عرصہ سے جموں و کشمیر کے لوگ کئی طرح کے مسائل کا سامنا کررہے ہیں تاہم اس دوران کورونا وائرس کے بڑھتے ہوئے معاملات ان کی مشکلات میں مزید اضافہ کر رہے ہیں۔

اپنی پارٹی کے جنرل سیکریٹری وکرم ملہوترہ نے جموں و کشمیر میں کووڈ-19 کے معاملوں کی بڑھتی ہوئی تعداد پر تشویش کا ظہار کرتے ہوئے کہاکہ انتظامیہ کو چاہئے کہ وہ اس سلسلہ میں تمام ضروری اقدامات اٹھائے۔

جموں میں 'اپنی پارٹی' میں شامل ہوئے کارکنوں کی شمولیت کے سلسلہ میں منعقدہ ایک تقریب کے دوران موصوف نے کہا کہ ملک کے دیگر حصوں کے ساتھ ساتھ جموں و کشمیر میں کوروناوائرس معاملات میں تیزی سے اضافہ ہونا شروع ہو گیا ہے جبکہ لیفٹیننٹ گورنر انتظامیہ کو چاہئے کہ وہ وائرس کے مزید پھیلاﺅ کو کم کرنے کے لئے زمینی سطح پر ٹھوس اقدامات اٹھائے۔

دیگر سیاسی پارٹیوں سے تعلق رکھنے والے کارکنوں نے 'اپنی پارٹی' میں شمولیت اختیار کی جس پر وکرم ملہوترہ نے کہا کہ گزشتہ کچھ عرصہ سے جموں و کشمیر کے لوگ کئی طرح کے مسائل کا سامنا کررہے ہیں تاہم اس دوران کورونا وائرس کے بڑھتے ہوئے معاملات ان کی مشکلات میں مزید اضافہ کر رہے ہیں۔

انہوں نے مانگ کی کہ چیکنگ عمل میں تیزی کے ساتھ ساتھ کووڈ ویکسین جلدازجلد لوگوں کو لگائی جائے۔