جموں ڈویژن میں گرمائی تعطیلات کا اعلان

جموں و کشمیر انتظامیہ کی جانب سے جموں ڈویژن میں گرمائی زون میں آنے والے اسکولوں میں موسم گرما کے پیش نظر سرکاری تعطیلات کا اعلان کردیا گیا ہے۔

پرنسپل سیکریٹری گورنمنٹ اسکول ایجوکیشن کی جانب سے جاری کردہ ایک حکم نامہ زیر آرڈر نمبر 1022آف 2021میں کہا گیا ہے کہ 'جموں ڈویژن کے گرمائی زون میں آنے والے 12جماعت تک کے سبھی اسکولوں میں 8 جون 2021 سے 25 جولائی 2021 تک سرکاری تعطیلات ہوں گی۔

جموں ڈویژن میں گرمائی تعطیلات کا اعلان

تاہم اس عرصہ کے دوران ہفتے میں ایک مرتبہ ٹیچرز اور طلبہ کے مابین کچھ مخصوص ایپلی کیشن جیسے واٹس آپ ،گوگل میٹ وغیرہ کے ذریعہ رابطہ رہے گا'۔

اس حکم نامے میں کہا گیا ہے کہ 'ہفتہ وار سرگرمیاں معمول کے تحت ہی چلتی رہیں گی، جبکہ اسکولوں میں پڑھنے پڑھانے والے اساتذہ طلبہ کی دقتوں اور ان کے خدشات کو دور کرنے کے لیے موبائل فون اور واٹس ایپ کے استعمال کو یقینی بنائیں گے۔