مرکز کے زیر انتظام جموں وکشمیر کے جموں میں پولیس کی جانب سے خواتین کے تحفظ کو یقینی بنانے کے لیے ایک قدم اٹھایا گیا ہے، جموں پولیس رات میں خواتین کے لیے خصوصی بس خدمات مہیا کرائے گی، یہ خدمات جموں کے جنوب اور شمال علاقے کے لیے فراہم کی جائیں گی۔
پولیس کا کہنا ہے کہ اگر کسی خاتون کو سفر کے دوران یا کسی ایسے مقام پر جہاں وہ خود کو محفوظ نہیں کر پا رہی ہیں یا انہیں کسی طرح کا ڈر ستا رہا ہے تو ایسے حالات میں وہ وومن ہیلپ لائن نمبر ڈائلڈ 100 نمبر پر کال کر سکتی ہیں جس کے بعد پولیس وہاں دس منٹ کے اندر پہنچ جائے گی اور انہیں ان کی منزل تک پہنچائے گی۔
پولیس کے مطابق اس خصوصی بس خدمات رات کے دس بجے تا صبح کے پانچ بجے تک فراہم کی جائیں گی، پولیس نے بتایا کہ رات میں چلنے والی اس خصوصی بس خدمات کے دوران دو خاتون پولیس اہلکار بھی تعینات رہیں گی جبکہ بس میں سوار خاتون کو ان کی منزل تک پہنچایا جائے گا۔
