Six Arrested for Murder in Jammu جموں میں قتل کے الزام میں چھ گرفتار، پولیس

پولیس کے ایک ترجمان نے بتایا کہ 21جو ن کو جموں کے کھوڑ چیک ملال گاؤں میں ٹریکٹر کی ٹکر سے ایک شخص کی موت واقع ہوئی۔ انہوں نے بتایا کہ پولیس نے دفعہ 174 کے تحت کیس درج کر کے تحقیقات شروع کی اور بعد ازاں پتہ چلا کہ یہ حادثہ نہیں بلکہ ایک منصوبہ بند قتل ہے۔

جموں: جموں کے مضافاتی علاقے کھوڑ چیک ملال گاؤں میں ٹریکٹر نے مبینہ طورپر ایک شخص کو ٹکر مار کر موقعے پر ہی ہلاک کر دیا۔ پولیس نے جوں ہی اس معاملے کی تحقیقات شروع کی تو پتہ چلا کہ یہ حادثہ نہیں بلکہ منصوبہ بند قتل ہے جس کے بعد چھاپہ ماری کے دوران چھ ملزمان کو دھر دبوچا۔ پولیس نے گرفتار ملزمین کو سلاخوں کے پیچھے بھیج دیا ہے۔ پولیس کے ایک ترجمان نے بتایا کہ 21جو ن کو جموں کے کھوڑ چیک ملال گاؤں میں ٹریکٹر کی ٹکر سے ایک شخص کی موت واقع ہوئی۔ انہوں نے بتایا کہ پولیس نے دفعہ 174کے تحت کیس درج کر کے تحقیقات شروع کی اور بعد ازاں پتہ چلا کہ یہ حادثہ نہیں بلکہ ایک منصوبہ بند قتل ہے۔

ترجمان کے مطابق پولیس نے تحقیقات کا دائرہ وسیع کرتے ہوئے چھ ملزمان کو کٹھوعہ، سانبہ اور ریاسی اضلاع سے چھاپہ مار کارروائیوں کے دوران گرفتار کیا جب کہ ٹریکٹر کو بھی ضبط کر لیا گیا ہے۔ پولیس نے گرفتار ملزمان کی شناخت مدن لال، اس کی اہلیہ سوما دیوی ، سدیش کمار عرف شنڈا، اس کی اہلیہ نیلم کماری اور سورن سنگھ عرف گوشا اس کی اہلیہ سیما دیوی کے طور پر کی ہے۔ اس معاملے می قانونی کارروائی جاری ہے۔

یو این آئی