ہفتہ اور اتوار کی درمیانی شب جموں کے ایئر فورس اسٹیشن کے ٹیکنیکل علاقہ میں دو دھماکوں کے بعد پیر اور منگل کو جموں میں ڈرون دیکھے جانے کے بعد سکیورٹی کو مزید سخت کر دیا گیا ہے۔
جموں کے ترنو چوک اور کالو چک میں 27 اور 28 جون کی درمیانی شب بریگیڈ ہیڈ کوارٹر کے نزدیک ڈرون دیکھے گئے جنہیں مار گرانے کے لیے فوجی جوانوں نے فائرنگ کی تھی۔
منگل کی صبح جموں کے کنجوانی علاقہ میں لوگوں نے ڈرون دیکھے جانے کا دعویٰ کیا ہے۔ تاہم حفاظتی تنظیموں، پولیس یا فوج کی جانب سے اس کی تصدیق نہیں کی گئی ہے۔
مزید پڑھیں: ڈرون عسکریت پسندوں کو غیرمتناسب جنگ کی صلاحیت فراہم کرتا ہے
ڈرونز کی موجودگی کے بعد جموں میں سکیورٹی انتظامات سخت کر دیے گئے ہیں، جگہ جگہ تلاشیوں کا سلسلہ جاری ہے۔ وہیں جموں کی جانب آنے والی گاڑیوں کی چیکینگ کی جا رہی ہے۔