جموں: جموں شہر میں گاڑیوں کے ہوئے آپسی تصادم میں ایک شخص کی موت جبکہ دیگر 3 شدید زخمی ہو گئے ۔جموں وکشمیر پولیس نے بتایا کہ جموں شہر کے بکرم چوک میں 2 موٹر سائیکلوں کا بس کےساتھ تصادم ہوا. اس حادثہ میں ایک شخص ہلاک جبکہ تین دیگر شدید زخمی ہو گئے ہیں۔
جموں سڑک حادثہ میں ایک شخص ہلاک، تین دیگر زخمی
انہوں نے بتایا کہ ابتدائی طورپر موٹر سائیکلوں کو تیز رفتار بس نے ٹکر مار دی، جس میں 4 افراد زخمی ہو گئے تھے۔ زخمیوں کو گورنمنٹ میڈیکل کالج جموں منتقل کیا گیا جہاں پر ڈاکٹروں نے ایک شخص کو مردہ قرار دے دیا۔مرنے والے کی شناخت 40 سالہ راج مگوترہ ولد اشوک کمار سکنہ تالاب تلو کے طور پر ہوئی ہے جبکہ زخمیوں میں نریش ولد سومناتھ سکنہ پنجترتھی، روبینہ، امرجیت سنگھ ولد ہربنس لال دونوں ساکنان آر ایس پورہ کے طور پر ہوئی ہے۔