JK Landslides زمینی تودے کھسکنے بعد جموں سرینگر قومی شاہراہ پر بحالی کا کام جاری

اتوار کو رامبن ضلع کے دوکسر ڈل گاؤں میں مٹی کے تودے گرنے سے کئی مکانات کو نقصان پہنچا۔ جس کے بعد متاثرہ خاندانوں کو احتیاطی طور پر محفوظ مقامات پر بھیجا جا رہا ہے۔ علاقے میں مقامی انتظامیہ کی جانب سے راحت اور بچاؤ کا کام جاری ہے۔

جموں و کشمیر کے رامبن ضلع میں منگل کو زمینی تودے کھسکنے کے بعد جموں سری نگر قومی شاہراہ پر ٹریفک معطل رہا، ٹریفک حکام نے ای ٹی وی بھارت کو بتایا کہ بدھ کو سڑک کی بحالی کا کام مکمل ہونے کے بعد ناسری اور بانیہال کے درمیان درماندہ گاڑیوں کو اپنی منزلوں کی طرف جانے کی اجازت دی جائے گی۔ رامبن میں زمینی تودے کھسکنے کی وجہ سے سڑکوں میں دراڑیں پڑ گئی ہیں۔ جس کے بعد قومی شاہراہ کو احتیاطی طور پر بند کر دیا گیا ہے۔ سری نگر کی طرف آنے والی گاڑیوں کو ٹریفک کی اجازت نہیں دی گئی۔

واضح رہے کہ زمینی تودے کھسکنے کی وجہ سے کئی مکانات کو بھی نقصان پہنچا ہے۔ ڈپٹی سپرنٹنڈنٹ آف پولیس (ٹریفک) اصغر ملک کے مطابق بانہال کے قریب شیر بی بی کے مقام پر صبح 2 بجے کے قریبزمینی تودے کھسکنے کا واقعہ پیش آیا، جس سے کشمیر جانے والے ٹرک راستے میں پھنس گئے۔ پتھر گرنے کے باوجود،ملبے کا ایک بڑا حصہ پہلے ہی ہٹا دیا جا چکا ہے۔ ایک بار جب چٹانیں گرنا بند ہو جائیں تو باقی سڑک کو بحال کرنے میں مشکل سے ایک گھنٹہ لگے گا۔

دریں اثناء جموں میں محکمہ ٹریفک کے ایک اہلکار نے بتایا کہ ہم نے چھوٹی موٹر گاڑیوں کو چلنے کی اجازت دی تھی لیکن بار بار پتھروں کے گرنے کی اطلاعات کے بعد ٹریفک کو فی الحال مکمل طور پر روک دیا گیا ہے۔ کچھ دن پہلے جموں و کشمیر کے ڈوڈہ ضلع میں بھی لینڈ سلائیڈنگ ہوئی تھی۔ مٹی کے تودے گرنے سےگاؤں میں کئی مکانات کو نقصان پہنچا۔ ڈوڈہ کے بعد رامبن میں لینڈ سلائیڈنگ کی وجہ سے مقامی لوگوں میں خوف و ہراس کا ماحول ہے۔ یہ حادثہ رامبن ضلع ہیڈکوارٹر سے صرف 45 کلومیٹر دور ڈل گاؤں میں پیش آیا۔ اس وقت متاثرین کے رہنے کے لیے خیمے اور کچھ دیگر ضروری اشیاء مل گئی ہیں۔ لینڈ سلائیڈنگ سے متاثرہ خاندانوں نے حکومت سے درخواست کی ہے کہ ان کے قیام کا مناسب انتظام کیا جائے۔