جموں میں شراب کی دکانیں کھولنے کے خلاف احتجاج جاری

جموں شہر میں شراب کی دکانوں کو لائسنس فراہم کیے جانے کے خلاف لوگوں کا احتجاج تین مہینوں سے جاری ہے۔ لوگوں کا کہنا ہے کہ شراب کی دکانیں عبادت گاہوں اور بستیوں کے نزدیک کھولی جارہی ہیں جس سے معاشرے پر انتہائی منفی اثرات مرتب ہوں گے۔

جموں کے ضلع ترقیاتی کمشنر کے دفتر کے باہر ڈومانا علاقہ سے آئے ہوئے لوگوں نے علاقہ میں شراب کی دکان کھولنے کے خلاف احتجاج کیا۔ ڈومانا علاقہ میں شراب کی دکان کو لائسنس اجراء کیے جانے کے خلاف لوگوں نے ڈی سی آفس جموں کے باہر سخت احتجاجی مظاہرے کرتے ہوئے کہا ہے کہ 'مندر اور گاؤں کے نزدیک شراب کی دکانیں کھلنے سے معاشرے پر منفی اثرات مرتب ہوں گے۔'

جموں شہر میں شراب کی دکانوں کو لائسنس فراہم کیے جانے کے خلاف لوگوں کا احتجاج تین مہینوں سے جاری ہے۔ لوگوں کا کہنا ہے کہ شراب کی دکانیں عبادت گاہوں اور بستیوں کے نزدیک کھولی جارہی ہیں جس سے معاشرے پر انتہائی منفی اثرات مرتب ہوں گے۔ احتجاج کے دوران لوگوں نے ضلع مجسٹریٹ جموں اور ایکسائز کمشنر کے خلاف بھی نعرہ بازی کی۔

احتجاج کررہے لوگوں نے ای ٹی وی بھارت کے ساتھ بات کرتے ہوئے کہا کہ 'ڈومانا علاقہ ایک دیہی علاقہ ہے جہاں خواتین کھیتی باڑی کرتی ہیں۔ شراب کی دکان گاؤں کے نزدیک کھولی گئی ہے جو لوگوں کو ناقابل قبول ہے۔' انہوں نے کہا کہ 'جس جگہ شراب کی دکان کھولی گئی ہے وہاں لوگوں کا کافی رش رہتا ہے جس سے معاشرہ خصوصاً نوجوانوں پر انتہائی منفی اثرات مرتب ہوں گے۔' انہوں نے مزید کہا کہ بستیوں میں شراب کی دکانیں کھولنے سے خواتین کا گھروں سے باہر نکلنا مشکل ہوگا۔

مذکورہ خاتون نے کہا کہ شراب کی دکانیں کھولنے کے لئے شاپنگ ایریا ہوتے ہیں، بستیوں میں ایسی دکانیں نہیں کھولی جاتی۔ ان کا مطالبہ ہے کہ شراب کی ایسی دکانوں کے لائسنس کو منسوخ کیا جانا چاہئے۔