شکتی نگر جموں میں مقامی لوگوں نے شراب کی دوکانیں کھولنے کے خلاف احتجاج کیا اور شراب نوشی بند کرو، شراب کی دکان بند کرو کے نعرے لگاتے ہوئے مطالبہ کیا کہ 'جموں کے شکتی نگر علاقے میں نئی ایکسائز پالیسی کے تحت شراب لائسنس کو منسوخ کرنے کا مطالبہ کیا۔
احتجاج میں شامل لوگوں نے ای ٹی وی بھارت کو بتا یا کہ شراب تمام برائیوں کی جڑ ہے، لہذا اس کی خرید و فروخت پر پابندی لگائی جانی چاہئے۔ انہوں نے کہا کہ'شکتی نگر علاقہ میں اسکول بھی قائم ہیں، وہیں مندر بھی موجود ہیں، تو انتظامیہ کیوں اس علاقے میں شراب کی دکان کھولنے کی اجازت دے گی، جبکہ جموں مندروں کے شہر کے نام سے مشہور ہے، لیکن انتظامیہ اب اس شہر کو شراب کے اڈے میں تبدیل کرنے پر تُلی ہوئی ہے۔
انہوں نے مزید کہا کہ 'جموں کے نوجوانوں کو نشہ آور چیزوں کی طرف ڈکھیلا جا رہا ہے، جو قطعی ہم ہونے نہیں دیں گے۔ یہاں کے مندروں کے ہر دس میٹر کے دائرے میں شراب کی دکانیں کھولی گئی ہیں۔ اس کی وجہ سے عقیدے کو ٹھیس پہنچ رہا ہے۔ انہوں نے کہا کہ ' ہم انتظامیہ سے کہنا چاہتے ہیں کہ ہم یہاں ایک بھی دکان کھلنے نہیں دیں گے۔ یہاں کے لوگ چاہتے ہیں کہ جموں شہر نشہ سے پاک ہو۔ انہوں نے گورنر انتظامیہ سے اپیل کی کہ شراب کی نئی دکانیں کھولنے کو منظوری نہ دی جائے'۔