جموں میں محبوبہ مفتی کے خلاف احتجاج

سابق وزیر اعلیٰ محبوبہ مفتی کے خلاف احتجاج کرتے ہوئے ڈوگرہ فرنٹ کے کارکنوں نے مقدمہ دائر کیے جانے کی مانگ کی۔

سرمائی دارالحکومت جموں میں ڈوگرہ فرنٹ کے کارکنوں نے سابق وزیر اعلیٰ و پیپلز ڈیموکریٹک پارٹی (پی ڈی پی) کی صدر محبوبہ مفتی کے بیان کی مذمت کرتے ہوئے انکے خلاف احتجاج کیا۔

احتجاج کر رہے کارکنان نے محبوبہ مفتی سمیت پاکستان کے خلاف نعرے بازی کی۔

انہوں نے محبوبہ مفتی کی جانب سے ’’پاکستان کے ساتھ مذاکرات‘‘ کے حوالے سے دئے گئے بیان کی مذمت کرتے ہوئے انکے خلاف مقدمہ دائر کیے جانے کی مانگ کی۔