Israel Gaza War فلسطینی عوام کے ساتھ یکجہتی کے پروگرام کو پولیس نے جموں میں ناکام بنادیا

اقوام متحدہ کے ایک حالیہ تحقیق میں کہا گیا ہے کہ جاری تشدد میں غزہ پر اسرائیلی حملوں میں کم از کم 4,137 فلسطینی ہلاک ہوچکے ہیں اور ہزاروں افراد زخمی ہوئے ہیں جن میں سے 53 فیصد خواتین اور بچے ہیں۔

جموں:جموں کشمیر کی سرمائی دارالحکومت جموں میں کئی سماجی و سیاسی کارکنوں کو جموں پولیس نے جموں، سانبہ اور کٹھوعہ اضلاع میں ہفتہ کو نظر بند کیا اور بعد میں شام کو سبھی لیڈران کو نظر بندی سے رہا گیا گیا۔
دراصل 'یونائیٹڈ پیس الائنس' کے بینر تلے جموں میں ہفتہ کو چند سیاسی و سماجی جماعتوں کے رہنماؤں نے فلسطین اور اسرائیل کے درمیان جاری جنگ کو لیکر فلسطین کے حق میں یکجہتی کا اعلان کرتے ہوئے جموں میں مہاراجہ ہری سنگھ پارک میں جمع ہونے کے پوسٹرز شائع کئے تھے۔ تاہم پولیس نے اس پروگرام کو ناکام کرنے کی غرض سے انہیں نظر بند کردیا، تاکہ یہ لوگ غزہ میں اور فلسطین کے معصوم متاثرین کے ساتھ اظہار یکجہتی کے لیے جمع نہ ہوسکے۔
حراست سے رہائی کے بعد یونائیٹڈ پیس الائنس کے چیئرمین شاہد سلیم نے آئی ٹی وی بھارت کے ساتھ بات کرتے ہوئے کہا کہ جمعہ کی دیر رات پولیس حرکت میں آگئی اور پروگرام کی پوری آرگنائزنگ کمیٹی بشمول شیخ عبدالرحمن، سابق رکن پارلیمنٹ جس کی عمر 94 سال کی ہیں، آئی ڈی کھجوریا آئی ڈی پی لیڈر کٹھوعہ، جموں سے سی پی ایم ایم ایل لیڈر سباش مہتا اور گاندھی نگر سے سکھدیو سنگھ کو گرفتار کیا گیا۔ اس کے علاوہ مجھے اپنے گھر دلپتیا محلہ جموں سے گرفتار کیا گیا،تاہم بعد میں ہفتہ کی شام پولیس نے حراست میں لیے گئے تمام رہنماؤں کو رہا کردیا گیا۔

واضح رہے کہ چودہ دنوں سے زائد جاری حماس اور اسرائیل کے درمیان جنگ میں4,137 فلسطینی ہلاک ہوچکے ہیں۔ اس جنگ میں ہزاروں کی تعداد میں لوگ زخمی ہوئے ہیں، وہیں لاکھوں کی تعداد میں لوگ بے گھر ہوئے ہے۔