ٹول پلازہ کے خلاف احتجاج سے بی جے پی خوف زدہ

جموں و کشمیر کے جموں علاقے میں جموں و کٹھوعہ روڈ پر واقع ٹول پلازہ کے خلاف لوگوں نے احتجاج کی دھمکی دی ہے۔ لوگوں کا الزام ہے کہ یہ ٹول پلازہ غیر قانونی طریقے سے لگایا گیا ہے۔ یہ عوام کی مشکلات میں اضافہ کر رہا ہے۔

جموں کی عوام نے بی جے پی کو متنبہ کرتے ہوئے کہا ہے کہ وہ اس کے خلاف احتجاج کریں گے۔ اس کے بعد بی جے پی کے ریاستی صدر رویندر رینا نے سڑک اور ٹرانسپورٹ کے وزیر نتن گذکری کو خط لکھا ہے جس میں ٹول کو یہاں سے ہٹانے کی گزارش کی گئی ہے۔

بی جے پی خوف زدہ

رویندر رینا نے لکھا کہ سڑک ہمارے لوگوں اور ریاست کی اقتصادی حالت بہتر کرنے کے لیے ضروری ہے۔ انہوں نے مزید لکھا کہ روڈ سیاحوں کے آنے کے لیے بھی بہت ضروری ہے، لیکن جموں میں واقع ٹول پلازہ سے لوگوں کو کافی پریشانیوں کا سامنا کرنا پڑ رہا ہے۔ اس ٹول پلازہ سے سڑک پر جام لگ رہا ہے۔ لوگوں کو آنے جانے میں دقت ہو رہی ہے۔

بی جے پی خوف زدہ

انہوں نے خط میں لکھا کہ ویشنو دیوی کے یاترا کے لیے جانے والے لوگوں کو راجباغ، ہیراباغ اور سروس ٹول پلازہ پار کرنا پڑتا ہے۔ یہ ٹول پلازہ 120 کلو میٹر کے فاصلے کے اندر ہی ہے، اس لیے لوگ احتجاج کر رہے ہیں اور اس سے ہمارا نام خراب ہو رہا ہے۔

اطلاعات کے مطابق رویندر رینا نے اپنے خط میں خود ہی تسلیم کیا ہے کہ یہ ٹول قانون کو تاق پر رکھ کر لگایا گیا ہے، اس لیے اسے ختم کیا جائے۔