جموں: سالانہ امر ناتھ یاترا کے پیش نظر جموں صوبے میں بین الاقوامی سرحد پر فوج کی چوکسی بڑھائی گئی ہے۔ معلوم ہوا ہے کہ حد متارکہ پر زیر زمین سرنگوں کو تلاش کرنے کی خاطر ٹیمیں بھی تشکیل دی گئی ہیں۔ Operation On Underground Tunnel۔ ذرائع سے معلوم ہوا ہے کہ گزشتہ دنوں سانبہ میں زیر زمین ٹنل دریافت ہونے کے بعد بین الاقوامی کنٹرول لائن پر ہائی الرٹ جاری کیا گیا ہے۔ ذرائع نے بتایا کہ عسکریت پسندوں کے منصوبوں کو ناکام بنانے کی خاطر سرحدوں پر نہ صرف گشت تیز کیا گیا بلکہ روڑ پیٹرولنگ پارٹیوں کو بھی متحرک رہنے کے احکامات صادر کیے گئے ہیں۔
دریں اثنا جموں صوبے کے اے ڈی جی پی مکیش سنگھ کی ہدایت پر اب پولیس کو بھی ایل او سی پر زیر زمین سرنگوں کو دریافت کرنے کی خاطر تربیت فراہم کی جا رہی ہے۔ ADGP Jammu Mukesh Singh۔ ذرائع نے بتایا کہ سرنگوں کو دریافت کرنے کی خاطر جدید ٹیکنالوجی کو بروئے کار لایا جارہا ہے۔ ذرائع کے مطابق بین الاقوامی سرحد پر مہم شروع کی گئی ہے اور جموں وکشمیر پولیس ٹیموں کو بی ایس ایف اور فوج کے عہدیدار اس بارے میں جانکاری فراہم کر رہے ہیں۔
علاوہ ازیں بی ایس ایف ذرائع نے بتایا کہ موجودہ سیکورٹی صورتحال اور انٹیلی جنس رپورٹس کے پیش نظر بارڈر سیکورٹی فورسز کو بین الاقوامی سرحد پر ہائی الرٹ پر رکھ دیا گیا ہے۔ انہوں نے کہا کہ دشوار گزار راستوں کے باوجود بھی بی ایس ایف اہلکار سرحد پر خصوصی گشت کو جاری رکھے ہوئے ہیں۔