یوم اساتذہ کے موقع پر جموں کا ٹیچر بھون سنسان

ملک کے عظیم معلم، فلسفی و ماہر تعلیم اور سابق صدر جمہوریہ ڈاکٹر سرو پلی رادھا کرشنن کے یوم پیدائش یعنی پانچ ستمبر کو ملک بھر میں یوم اساتذہ منایا جاتا ہے۔

ملک بھر کے ساتھ ساتھ جموں و کشمیر میں بھی 5 ستمبر کو یوم اساتذہ منایا جاتا ہے۔ تاہم کوروناوائرس کی وجہ سے اس بار جموں میں کسی طرح کی تقریب کا اہتمام نہیں کیا گیا۔ جموں کے ٹیچر بھون میں خاموشی چھائی رہی۔

جموں میں 'یوم اساتذہ' سرکاری سطح پر منایا جاتا تھا۔ تاہم اس بار ایسا دیکھنے کو نہیں ملا۔ جموں و کشمیر یونین ٹریٹری کے گورنر منوج سنہا نے 'یوم اساتذہ' کے موقعہ پر اساتذہ کو مبارک باد پیش کی۔'

دوسری جانب طلبا کے ساتھ ساتھ دانشوروں نے سماجی رابطہ کی ویب سائٹ ٹویٹر اور فیس بک پر 'یوم اساتذہ' کے موقعہ پر اساتذہ کو مبارک باد پیش کی۔

بتادیں یوم اساتذہ دراصل ملک کے عظیم معلم، فلسفی و ماہر تعلیم اور سابق صدر جمہوریہ ڈاکٹر سرو پلی رادھا کرشنن کے یوم پیدائش کے موقع پر منایا جاتا ہے۔

ہر برس ملک بھر میں یوم اساتذہ کے موقع پر مختلف قسم کے ثقافتی پروگرامز کا انعقاد کیا جاتا ہے۔

طلبا اس دن اساتذہ کو گُلدستے اور مختلف قسم کے تحائف پیش کرتے ہیں جبکہ ریاستی اور مرکزی حکومتوں کی جانب سے اساتذہ کو ان کی خدمات کے اعتراف میں انعامات و اعزازات سے نوازا جاتا ہے۔