جموں میں ڈیلٹا پلس ویریئنٹ سے ایک شخص متاثر

جموں و کشمیر کے علاوہ ریاست مہاراشٹر میں بھی ڈیلٹا پلس وائرس کے 21 مشتبہ مریض پائے گئے ہیں۔

جموں خطہ کے کٹرا علاقے میں ایک شخص ڈیلٹا پلس ویریئنٹ نامی وائرس سے متاثر پایا گیا ہے جس کی تصدیق گورنمنٹ میڈیکل کالج و ہسپاتل جموں کی پرنسپل ڈاکٹر سوسی سوڈان نے کی۔

انہوں نے کہا کہ دس روز قبل کٹرا سے دہلی لیبارٹری کے لئے ٹیسٹ سمپل بھیجا گیا تھا جوکہ آج ڈیلٹا پلس ویریئنٹ سامنے آیا۔ تاہم انہوں نے کہا کہ مریض کا ٹیسٹ سمپل جموں میڈیکل کالج سے نہیں کیا گیا تھا۔

یہ بھی پڑھیں: جموں میں ایک خاتون نے چار بچوں کو جنم دیا

بتا دیں کہ ریاست مہاراشٹر میں ڈیلٹا پلس وائرس کے 21 مشتبہ مریض پائے گئے ہیں۔ ان میں سے نو مریض رتناگری، سات جلگاؤں میں، دو ممبئی، پالگھر، سندھو درگ اور تھانہ میں ایک ایک مریض پائے گئے۔