Northern Army Commander Jammu Visit ناردرن کمانڈر نے دیسی ہیلی کاپٹر کی شبانہ آپریشنل صلاحیتوں کا جائزہ لیا

جموں نشین دفاعی ترجمان کے مطابق فوج کی شمالی کمان کے کمانڈر لیفٹیننٹ جنرل اوپندرا دیویدی نے فارورڈ علاقے کا دورہ کر کے وہاں تعینات دیسی ہیلی کاپٹر کی شبانہ آپریشنل صلاحیتوں کا جائزہ لیا۔ Lt Gen Upendra Dwivedi Reviews Indigenous Helicopter Capability

جموں:فوج کی شمالی کمان کے کمانڈر لیفٹیننٹ جنرل اوپندرا دیویدی نے فارورڈ علاقے میں ایک دیسی ہیلی کاپٹر کی شبانہ آپریشنل صلاحیتوں کا جائزہ لیا۔ جموں نشین دفاعی ترجمان نے بتایا کہ فوج کی شمال کمان کے سربراہ لیفٹیننٹ جنرل اوپندرا دیویدی کو ہیلی کاپٹروں کی شبانہ صلاحیتوں کے بارے میں آگاہی فراہم کی گئی۔ انہوں نے بتایا کہ اوپندرا دیویدی نے عملے کو اعلیٰ ترین آپریشنل تیاریوں کو برقرار رکھنے پر انہیں مبارکباد پیش کی۔

ذرائع نے بتایا کہ اس موقعے پر شمالی کمان کے کمانڈر نے اگلی چوکیوں کا دورہ کیا۔ اس سے قبل لیفٹیننٹ جنرل اوپندر دویدی کو فوج کے سینئر آفیسران نے سرحدوں کی صورتحال کے بارے میں بریفنگ دی۔ فوجی کمانڈر کو مخالفین کے چیلنجز کا مقابلہ کرنے کے لئے کئے جانے والے اقدامات کے بارے میں بھی جانکاری فراہم کی گئی۔

واضح رہے کہ فوج کی شمالی کمان کمانڈر، لیفٹیننٹ جنرل اوپیندر دیویدی، نے چنار کور کمانڈر کے ہمراہ جنونی کشمیر کے پلوامہ اور اننت ناگ اضلاع کا دورہ کیا۔ دورے کے دوران انہوں نے راشٹریہ رائیفلز بٹالین کا جائزہ لیا اور موجودہ صورتحال کے بارے میں سینئر فوجی افسران کے ساتھ تبادلہ خیال کیا، جس دوران انہوں نے عسکریت پسندوں کے خلاف چلائے جا رہے آپریشنز کے لائحہ عمل کے بارے میں جانکاری حاصل کی۔ انہوں نے آپریشنل اور سرمائی حکمت عملی کی تیاریوں کا بھی جائزہ لیا۔

یو این آئی مع مشمولات