Air Defence Conclave فوج کی شمالی کمان کے سربراہ نے فضائی ڈیفنس کانکلیو کا جائزہ لیا

دفاعی ذرائع نے بتایا کہ شمالی فوج کی شمالی کمان نے دو روزہ آرمی ڈیفنس کانکلیو کا انعقاد عمل میں لایا، جس میں ائیر ڈیفنس ، انڈین ائیر فورس اور دفاعی ماہرین نے حصہ لیا۔

جموں: فوج کی شمالی کمان نے دو روزہ فضائی ڈیفنس کانکلیو کا انعقاد عمل میں لایا جس میں دفاعی ماہرین نے حصہ لیکر مشترکہ لائحہ عمل کا جائزہ لیا۔دفاعی ذرائع نے بتایا کہ شمالی فوج کی شمالی کمان نے دو روزہ آرمی ڈیفنس کانکلیو کا انعقاد عمل میں لایا جس میں ائیر ڈیفنس ، انڈین ائیر فورس اور دفاعی ماہرین نے حصہ لیا۔

دفاعی ماہرین نے فضائی خطرات کا مقابلہ کرنے اور قومی سلامتی کو یقینی بنانے کے لئے ایک جامع نقط نظر کے لئے مشترکہ حکمت عملی کا بغور جائزہ لیا ۔اس موقع پر شمالی فوج کے سربراہ لیفٹیننٹ جنرل اوپیندرا دیویدی نے آلات کا مشاہدہ کیا اور شرکا سے گفت وشنید کی۔انہوں نے کہا کہ ہماری مستعد فوج ہر خطرے کا مقابلہ کرنے کے لئے پوری طرح تیار ہے۔فوجی کمانڈر نے کہا کہ فوج کو جدید خطوط پر استوار کرنے کی خاطر زمینی سطح پر اقدامات کئے جارہے ہیں۔

واضح رہے کہ یہ کانفرنس خطے میں بڑھتے ہوئے فضائی خطرات کے پس منظر میں منعقد کی گئی، جس میں مخالفین کی طرف سے ڈرونز اور بغیر پائلٹ کے فضائی گاڑیوں (یو اے وی) کا بڑھتا ہوا استعمال بھی شامل ہے۔اس کانفرنس میں شرکاء نے فضائی دفاع سے متعلق متعدد امور پر تبادلہ خیال کیا۔