Charge Sheet On Sunjwan Attack این آئی نے سنجوان حملہ میں ملوث بارہ ملزمان کے خلاف چارج شیٹ داخل کیا

قومی تحقیقاتی ایجنسی نے جموں کے سنجوان علاقہ میں 22 اپریل کے روز سکیورٹی فورسز پر خود کش حملہ کیا تھا۔ اس حملے میں سنٹرل انڈسٹریل سکیورٹی فورس (سی آئی ایس ایف) کا ایک افسر ہلاک جبکہ ایک درجن کے قریب سکیورٹی فورسز اہلکار زخمی ہوئے تھے سکیورٹی فورسز نے جوابی کارروائی کرتے ہوئے دونوں عسکریت پسندوں کو ہلاک کیا۔FIDAYEEN ATTACK SUNJUWAN

جموں: این آئی اے نے جموں کی خصوصی عدالت میں 12 ملزمان کے خلاف چارج شیٹ داخل کیا ہے۔ ان ملزمان پر جموں کے سنجوان میں سکیورٹی فورسز پر حملہ کرنے کا الزام ہے۔ این آئی اے کے مطابق 12 ملزمان جموں و کشمیر میں عسکریت پسندی کو فروغ اور سرحد پار پاکستان میں مقیم کالعدم عسکریت پسند تنظیم جیش محمد کے ساتھ رابطے میں تھے۔ این آئی اے کے مطابق سنجوان فدائین حملہ کے دو عسکریت پسند پاکستان سے بھارت ایک سرنگ سے آئے تھے۔Charge Sheet On Sunjwan Attack

این آئی اے کے مطابق یہ سرنگ بین الاقوامی سرحد پر جموں و کشمیر کے سامبہ سیکٹر میں بی او پی چک فقیرہ کے تحت آنے والے علاقے میں کھودی گئی تھی۔ عسکریت پسند وزیر اعظم نریندر مودی کے دورہ جموں میں خلل ڈالنے کے ارادے سے اسی سرنگ سے جموں آئے تھے۔

بتادیں کہ 22 اپریل کو جموں کے سنجواں میں سکیورٹی فورسز اور جیش فدائین کے مابین تصادم ہوا جس دوران ایک سی آئی ایس ایف اہلکار از جان اور دس زخمی ہوئے تھے جبکہ سکیورٹی فورسز کی جوابی کارروائی میں دو فدائین بھی مارے گئے تھے۔اس کیس کو جموں وکمشیر پولیس نے این آئی اے کے حوالے کیا تھا۔ این آئی اے نے 22 اپریل کو ایف آئی آر نمبر 115/2022 درج کیا گیا تھا۔

این آئی نے اس کیس کے سلسلے میں 12 افراد کے خلاف آج این آئی اے کی خصوصی عدالت میں داخل کیے جن میں شفیق احمد شیخ ساکن ترال پلوامہ، بلال احإد وگے ساکن کوکرناگ اننت ناگ ، محمد اسحاق چاپان ساکن کوکرناگ اننت ناگ، عابد مشتاق میر ساکن گوڈورہ پلوامہ، آصف احمد شیخ ساکن ترال پلوامہ، جیش محمد تنظیم کے سربراہ مسعود اظہر، رؤف اصغر، محمد مصدق شامل ہے۔

این آئی اے کے مطابق تفتیش سے یہ بات سامنے آئی ہے کہ ملزمان شفیق احمد شیخ بلال احمد وگے، محمد اسحاق چوپان عابد مشتاق میر، آصف احمد شیخ نے دو پاکستانی عسکریت پسندوں کے ساتھ مجرمانہ سازش کی۔ این آئی اے کے مطابق اس کیس میں مزید تفتش جاری ہے۔

واضح رہے کہ جموں کے سنجوان علاقے میں 22 اپریل دو عسکریت پسندوں کے علاوہ، سنٹرل انڈسٹریل سیکورٹی فورس (سی آئی ایس ایف) کا ایک افسر ایک آرمی کیمپ کے قریب ہونے والے انکاؤنٹر میں مارے گئے اس حملے میں اور نو سیکورٹی اہلکار زخمی بھی ہوئے۔Jammu Encounter Site

جموں و کشمیر پولیس کے سربراہ دلباغ سنگھ نے کہا کہ اس حملے میں مارے جانے والے عسکریت پسند سیکورٹی فورسز پر خودکش حملہ کرنے کا منصوبہ رکھتے تھے۔ انہوں نے کہا کہ یہ عسکریت پسند وزیر اعظم نریندر مودی کے دورے سے قبل خود کش حملہ کر کے اس دورے کو متاثر کرنا چاہتے تھے۔

واضح رہے کہ وزیر اعظم 24 اپریل کو قومی پنچایتی راج دن کے موقع پر یہاں سے 17 کلومیٹر دور سامبہ ضلع کے پلی گاؤں کا دورہ کرنے والے تھے۔ وہ وہاں ایک اجتماع سے خطاب بھی کرنے والے تھے۔