نیا ڈومیسائل قانون قبول نہیں: نشینل کانفرنس

جموں و کشمیر کے ڈومیسائل (رہائشی) کی نئی تعریف وضع کی گئی ہے اور ملازمت کے لیے نئے ضابطے بھی مقرر کیے گئے ہیں۔

ڈومیسائل قانون پر نیشنل کانفرنس کے سینیئر رہنما اور صوبائی سکریٹری جموں شیخ بشیر احمد نے اپنے ردعمل کا اظہار کرتے ہوئے کہا کہ 'نشینل کانفرنس کو نیا ڈومیسائل قانون قبول نہیں ہیں اور نا ہی نشینل کانفرنس اس کی حمایت کرتی ہے۔'

انہوں نے بی جے پی کو تنقید کا نشانہ بناتے ہوئے کہا کہ 'بی جے پی سرکار خود اس قانون کو لے کر کنفیوژن میں ہیں جبکہ ان کے رہنماوں کو خود اس نئے قانون کے بارے میں علم ہی نہیں ہیں۔ یہ بہت بڈی بدقسمتی ہے کہ اس قانون کو کن لوگوں کے لیے بنایا گیا ہے اور کیوں بنایا گیا ہے۔'

انہوں نے کہا کہ 'جس طرح دہلی کے اشاروں پر جموں و کشمیر انتظامیہ نے اس قانون کو نافذ کرنے کا عمل شروع کیا ہے۔ یہ قابل مذمت ہے اور ایسے فیصلہ صرف لوگوں کی منتخب شدہ سرکار کرتی ہیں نا کہ افسران۔'

واضح رہے کہ جموں و کشمیر یونین ٹیریٹری کے لیے نئے ڈومیسائل قانون کا نفاذ عمل میں لایا گیا ہے۔ اس نئے ڈومیسائل قانون کے تحت ملک بھر سے پولیس فورس میں ملازمت سمیت جموں و کشمیر میں مقامی سرکاری ملازمتوں کے لیے درخواست دینے کی اجازت دی گئی ہے۔