جموں: مشن موڈ پروجیکٹ کے تحت مزدوروں کی مالی مدد کی جائے گی

جموں میں محنت اور روزگار محکمے کی ڈپٹی لیبر کمشنر کانتا دیوی نے تعمیراتی کارکنان کے اندراج کے لیے مشن موڈ پروجیکٹ ایم ایم پی کا آغاز کیا ہے۔

اس پروجیکٹ سے مزدوروں کا جموں کے بلڈنگ اور دیگر تعمیراتی کارکنوں کی فلاح و بہبود سے متعلق بورڈ میں اندراج کیا جائے گا۔

اس کا مقصد ایسے تمام مزدوروں اور کارکنان کو سماجی تحفظ اورمالی امداد فراہم کرنا ہے جو اس سے پہلے سرکار کی کسی بھی فلاحی اسکیم سے مستفید نہیں ہوئے ہیں۔ مزدورں کے بچوں کا تعلیمی خرچ محکمہ برداشت کرے گا اور مشن موڈ کے تحت رجسٹرڈ مزدورں کے اہل خانہ کو مشن موڈ کے تحت مالی معاونت کی جائے گی

کانتا دیوی نے مزید کہا کہ کووڈ۔19 راحتی امداد کے ذریعہ کارکنوں کو براہِ راست اُن کے بینک کھاتوں میں رقم فراہم کی جا رہی ہے۔ تاہم جن لوگوں کا رجسٹریشن نہیں ہوا تھا وہ اب رجسٹریشن کرکے اس اسکیم سے فائدہ اٹھا سکتے ہیں۔