کووڈ-19 مریضوں کے لئے مسیحا

جموں سکھ موٹر سائیکل کلب نے عمدہ مثال پیش کرتے ہوئے کورونا وائرس متاثرہ افراد کے گھر تک کھانا پہنچانا شروع کردیا ہے۔ سکھ موٹر سائیکل کلب کے قریب 15-20 افراد روزانہ سینکڑوں افراد کو کھانا گھر تک  پہنچا رہے ہیں۔

ملک بھر کے ساتھ ساتھ جموں و کشمیر میں کووڈ-19 کے معاملے ایک بار پھر تیزی سے بڑھ رہے ہیں۔ ایسے حالات میں سماجی تنظیموں نے خیر کا کام کرنا شروع کر دیا ہے۔ کورونا وائرس کے بڑھتے تعداد کے پیش نظر نجی ادارے بھی آگے بڑھ کر لوگوں کو مدد فراہم کر رہے ہیں۔

جموں سکھ موٹر سائیکل کلب نے عمدہ مثال پیش کرتے ہوئے کورونا وائرس متاثرہ افراد کے گھر تک کھانا پہنچانا شروع کردیا ہے۔ سکھ موٹر سائیکل کلب کے قریب 15-20 افراد روزانہ سینکڑوں افراد کو کھانا گھر تک پہنچا رہے ہیں۔ سماجی دوری اور احتیاطی تدابیر کا خاص خیال رکھ کر یہ نوجوان متاثرہ گھروں تک کھانا مفت پنچا رہے ہیں۔

ضروت مند افراد ان نمبرات پر رابطہ کر سکتے ہیں: 9622088786، 9622999099، 9419223792۔۔۔

ہوم آئسولیشن میں رکھے گئے افراد کے لئے موبائل نمبر جاری کیا گیا ہے۔ جس پر ان کی تصدیق کرکے گھر پر کھانا پہنچایا جا رہا ہے۔ سکھ موٹر سائیکل کلب کے چیرمین ہرپریت سنگھ نے ای ٹی وی بھارت کو بتایا کہ گذشتہ دو تین ہفتوں سے جموں و کشمیر میں کورونا مریضوں کی تعداد میں اضافہ ہوا ہے۔

اور ایسی صورتحال میں ضرورت ہے کہ زیادہ سے زیادہ متاثرہ لوگوں کو کھانا پہنچایا جائے۔انہوں نے عوام سے بھی اپیل کی کہ وہ ایک دوسرے کی مدد کرے۔