NC leader TS Wazir Murderer Arrested این سی کے لیڈر ٹی ایس وزیر کے قتل کا کلیدی ملزم گرفتار، پولیس

ایڈیشنل ڈائریکٹر جنرل آف پولیس جموں رینج مکیش سنگھ نے بتایا کہ گزشتہ دنوں گاندھی نگر علاقے میں ایک تاجر راکیش اگروال کے گھر پر نقب زنی کا واقع رونما ہونے کے بعد پولیس نے بڑے پیمانے پر تحقیقات شروع کرکے پانچ ملزموں کو گرفتار کیا ہیں۔ انہوں نے کہا گرفتار ملزمین سے جموں وکشمیر سائبر پولیس کی وردی اور نقدی 5 لاکھ برآمد ہوئی ہے۔Jammu robbery case

جموں: جموں و کشمیر پولیس نے نیشنل کانفرنس کے سینیئر لیڈر اور سابق رکن اسمبلی کے قتل کے کلیدی ملزم کو جموں میں ایک مختصر تصادم کے بعد گرفتار کیا۔NC leader TS Wazir Murderer Arrested

پولیس کا کہنا ہے کہ کلیدی ملزم ہرپیت سنگھ عرف امیت رانا ٹی ایس وزیر کے قتل کے سلسلے میں قانون نافذ کرنے والے ادارے کو انتہائی مطلوب تھا۔ بتادیں کہ نیشنل کانفرنس کے سینیئر لیڈر اور سابق رکن اسمبلی کا گزشتہ سال نئی دہلی میں سنسنی خیز طریقے سے قتل کیا گیا تھا۔

جموں میں پریس کانفرنس کے دوران ایڈیشنل ڈائریکٹر جنرل آف پولیس جموں رینج مکیش سنگھ نے بتایا کہ گزشتہ دنوں گاندھی نگر علاقے میں ایک تاجر راکیش اگروال کے گھر پر نقب زنی کا واقع رونما ہونے کے بعد پولیس نے بڑے پیمانے پر تحقیقات شروع کرکے کئی ٹیمیں تشکیل دیں۔واضح رہے کہ راکیش اگروال کے گھر پر دس بندوق برداروں نے ڈکیتی کی واردات کو انجام دیا تھا۔Adgp jammu press conference

انہوں نے کہا کہ پیشہ وارانہ اور ٹیکنیکی صلاحیتوں کو بروئے کار لاکر پولیس کو معلوم ہوا ہے کہ شاستری نگر جموں میں نقب زنوں نے چوری کی اس واردات کو انجام دینے کی خاطر منصوبہ بنایا تھا۔ پولیس نے مزید شواہد کے بعد گزشتہ روز ہرجندر سنگھ ولد جسویر سنگھ ساکن بڈینہ جالندھر پنجاب کو حراست میں لیا۔

اے ڈی جی پی کے مطابق تحقیقات کے دوران مزید پتہ چلا کہ چوری کی اس واردات کو انجام دینے میں کلیدی کردار ادا کرنے والا ملزم امیت رانا ساکن دہلی ہے اور اُس نے جموں میں بہت سارے لوگوں کو لوٹا ہے۔انہوں نے کہا کہ ماربل مارکیٹ جموں میں ملزم کی نقل وحرکت کی اطلاع ملنے کے بعد ایس ایس پی کی سربراہی میں ٹیمیں تشکیل دی گئیں اور جوں ہی پولیس ٹیم جائے موقع پر پہنچی تو وہاں پر امیت رانا نے پولیس پر فائرنگ شروع کی تاہم پیشہ وارانہ صلاحیتوں کو بروئے کا ر لا کر امیت رانا کو زندہ گرفتار کیا گیا۔

انہوں نے بتایا کہ کلیدی ملزم نے پوچھ تاچھ کے دوران بتایا کہ معروف تاجر راکیش اگروال کے گھر میں نقب لگانے کا منصوبہ اُسی نے بنایا تاکہ وہاں پر ناگر سنگھ کو بھلا کر اُس کا قتل کیا جا سکے لیکن ایسا نہ ہو سکا جس کے بعد گھر سے نقدی لوٹ لی۔

اے ڈی جی پی نے بتایا کہ مذکورہ ملزم سے متعدد دفعہ پوچھ تاچھ کے بعد معلوم ہوا ہے کہ اُس نے جعلی آدھار کارڈ بنایا اور اُس کی اصلی شناخت ہرپیت سنگھ خالصہ ساکن ڈگینا جموں ہے ۔

پولیس کویہ بھی معلوم ہوا ہے کہ مذکورہ شخص سردار تر لوچھن سنگھ کے قتل کا بھی کلیدی ملزم ہے اور دہلی پولیس نے اُس کو پہلے ہی اشتہاری قرار دیا ہے۔

اُن کے مطابق پنجاب اور دہلی کے مختلف علاقوں میں چھاپوں کے دوران رانا کے چار ساتھیوں کو بھی گرفتار کیا گیا اور اُن کے قبضے سے دو پستول، نقدی پانچھ لاکھ روپیہ اور پولیس کی وردیاں بھی ضبط کی گئیں۔

پولیس نے مزید گرفتار ملزمان کی شناخت ہرپیت سنگھ عرف امیت رانا ولد پرمجیت سنگھ ساکن ہنومان روڈ نئی دہلی حال ڈگینا جموں، منجیت سنگھ ولد سریندر سنگھ ساکن ہوشیار پور پنجاب، ہرجندر سنگھ ولد جسویر سنگھ ساکن بدیانہ جالندھر ، راجا سنگھ عرف راجا ولد گرودیو سنگھ ساکن پنوا ہوشیار پور پنجاب اور پنٹو سنگھ ولد شری کرشن لال ساکن پنجاب کے بطور ہوئی ہے۔

اے ڈی جی پی نے بتایا کہ ابتدائی تحقیقات کے دوران منکشف ہوا ہے کہ مجر م جن میں سے نو پنچاب کے ساکن ہیں گاندھی نگر جموں میں تاجر چودھری ناگر سنگھ کو قتل کرنے کی نیت سے آئے ہوئے تھے لیکن بعد میں قتل کا منصوبہ ناکام ہونے کے بعد گھر سے دس سے 15لاکھ روپیہ نقدی رقم لے کر فرار ہو گئے۔

یہاں یہ امر قابل ذکر ہے کہ 67 سالہ ترلوچن سنگھ وزیر کی لاش گزشتہ برس ستمبر کے مہینے میں موتی نگر دہلی کے ایک فلیٹ میں پُراسرار حالت میں برآمد کی گئی۔دہلی پولیس نے اس کیس میں دو ملزمان کو حراست میں لیا تاہم ہرپیت سنگھ قانون نافذ کرنے والے ادارے کو انتہائی مطلوب تھا۔

( یو این آئی)